شوبغار منك ياصبح
ياريتني متلك شقي
أدخل ع غرفتها بهدا
وصبح على وجها النقي
أمرق على شفافا الكرز
اتغلغل بشعراتها
ومرمغ شي كومة ورد
ع وجناتها
ياريتني متلك شقي
ادخل ع غرفتها بهدا
وأتعطر بأنفاسها
وجبلا معي نجوم السما
تايوقفوا حراسها
لوصير شي مرة شقي
ومن بعدها اعمل تقي
اكتب تراتيل الصلا
لعيونها الكلا حلا
واركعلها مية مسا
واسجدلها مية فجر
هيدا ندر ياصبح
رح أوفي الندر
يمكن على قلبا النقي
أدخل بشي ليلة قدر
