تمت مشاركة منشور Mustafa AlSumaidaie من قبل Iraqi Photographer المصور العراقي.
10 اسرار لأفضل صور مصطفى الصميدعي:
* حتى تحصل على صورة مثالية اول شئ التزم بالنصائح المجربة التالية واي شئ زايد ناقص مالك علاقة بيه:
1- نوع الكامرة ماله علاقة ابد … افضل صورة بالعالم من الممكن تلتقط بموبايل. (وجهة نظري)
2- شوف المكان بعينك قبل متاخذ صورة, فكر بشئ جديد , زاوية مامقلدة , اهم شئ انته تشوفة بعينك حلو قبل ماتصورة بكامرتك.
3- الوقت المناسب لالتقاط الصورة … يعني ماكو شئ اسمه اشوكت مايعجبك تاخذ صورة وتتخيل راح تطلع الصورة فد شئ … افضل وقت لالتقاط الصورة ( الفجر وشروق الشمس , بين العصر والمغرب , جو غائم ومطر ).
4- اللقطات الليلية اكيد تعتمد على نوع الكامرة .. يعني مالك علاقة بنقطة رقم 1.
5- انصحك تقلد اسلوب مصورين وقلد صور حتى تتعلم شلون تصور مثلهم بس مو معناتها تظل طول عمرك تقلد .. لا … ابتكر شئ من اللي اتعلمته.
6- مالك علاقة بالاعدادات وبارقاهما ولاتلتزم ابد بهذا الشئ , انسى الارقام ولاتحفظ , اعتمد على روحك وشوف الصورة شلون تطلع بكامرتك وصورها.
7- عدل على صورك بالفوتوشوب بس بلمسات خفيفة وللضرورة فقط. خلي الصورة تبين واقعية.
8- كل لقطة تحتاج صبر وخلك وتعب وانتظار طويييييييييل حتى تطلع بمستوى مرتب واكيد تحتاج مخاطرة احياناً, يعني حسب احساب يعتقلوك او يكسرون كامرتك , فلا تصير بورسلي او جاكي شان وتبيع بطولات. جربتها وشبعت كتل هواية.
9- ديربالك تلتزم بقاعدة اساسية بالتصوير ( هذي اول خطوة لفشلك كمصور ) دائما اكسر القاعدة بأسلوب مرتب . للعلم ولا مرة التزمت بقاعدة بحياتي.
10- كل النقاط اللي ذكرتها مالك علاقة بيها … اعتمد على روحك مثل مااني اعتمدت على روحي. ابتكر شئ بنفسك انقل صورة عينك للناس.
* هواي راح ينتقدوني ومن حقهم … لكن هذا اللي اطبقه بكل اعمالي وانتوا احكموا بنفسكم.
تعلم وانقل وشارك المنشور لفائدة الاخرين.
اخوكم
مصطفى الصميدعي