Manar Gad Timounna مع Hipa Staff في Dubai Design District.
التزمت الصمت لفتره طويله شويه … بس انا جيت خلاص عشان اتكلم عن احلي حاجه حصلتلي
هيبا هيبا هيبا … هيبا بالنسبه ليا كانت حلم كبير نفسه احققه لانها بالنسبالي اقوي مسابقات العالم
كل سنه بقدم فيها مش عشان اكسب بصراحه لاني مكنتش متوقعه اني ممكن اكسب ما بين العالم كله اللي بيقدم من كل العالم … كنت بقدم عشان كان نفسي بس حتي اوصل ان صورتي تتحط في الكتالوج .. ليس الا …
عدت الايام وبعتولي اول ايميل اني عديت المرحله الاولي قلت خير عدت ايام كيتير تاني وبعتولي ميل اني وصلت للمرحله التانيه قلت خير خير والله عدت ايااااام كيتيره اوي وبعتولي اني عديت للمرحله التالته ووصلت للمرحله الرابعه النهائيه للمسابقه طبعاا انا بالنسبالي الايميل ده كانهم بيقولولي اني كسبت اني اوصل للمرحله التالته انجاااز كبيرر والحمدلله كنت راضيه ومكتفيه للمرحله دي لانه عدي وقت كبير جدا جدا عشان يوصلي ايميل اللي مش ممكن انساه لاني حافظه كل حرف فيه ….. وكنت كل يوم بفتح الايميل اقول يمكن هيبا تبعتلي لحد ما فقدت الامل
ولما كان بيوصلي ايميل مكنتش بفتحه خلاص مكنتش ببقي مهتمه
غير لما وصلي عالموبايل ايميل مكتوب فيه HIPA |Congratulation !
Dear Manar Gad
Congratulation !
Your Photograph (as shown in the thumbnail below) has been chosen as a winner in HIPA 5th season of competition (Happiness) in the Happiness category ..
اليوم ده بالنسبالي كان اصعب واحلي يوم في نفس الوقت
كنت بزور ماما اعز اصحابي في الدنيا فونا في المستشفي ولاول مره ادخل العنايه في اي زياره كنت بروحلها بس سبحان الله ربنا دخلني عشان تدعيلي
مش هنسي ابدا وانا معاها كانت ماسكه ايدي جامد وبتدعيلي وتقولي يارب تنسعدي يا منار يارب تنسعدي يا منار وكانت بتعيدها كذا مره frown emoticon ربنا يرحمك يا طنط وانا مش نسياكي عشان انا الجايزه دي انا جاتلي بسبب دعاكي ليا والجايزه دي انا بهديها ليكي حتي وانا بتسلم الجايزه انتي كنتي في بالي
انا حققت حلم كان بالنسبالي مستحيل || بس اتعلمت ان فعلا مافيش مستحيل
مافيش حد فينا بيحقق اي حاجه بيحلم بيها لوحده وانا معملتش ده غير ب الناس اللي كانت واقفه جمبي دايما
مش هقدر اقول كل الاسامي دلوقتي بس هحاول علي قد مقدر
اول حاجه نادي InFocus الناس اللي ابتديت معاهم التصوير وعلموني
استاذ محمد الناصري – استاذ كريم نبيل
وكل نوادي التصوير فوتوبيا – cbc اتحاد المصورين العرب –
ماما وبابا واصحابي(اخص بالذكر فونا بردو ) وكل الناس اللي شجعتني وباركولي وفرحولي لما كسبت
((حاولت ارد لي المسجات والpost اللي كتبتوهالي ولو انا مردتش علي حد اكيد مخدتش بالي
وبشكركوا هنااا ))
الجايزه بتاعتي لما اتقال اسم مصر في الحفله واني لاول مره في حاجه انا بحبها قدرت ارفع اسم مصر لاول مره من بدايه المسابقه لحد دلوقتي ده كان ساعتها احساس بالفخر وصراحه احساس ميتوصفش
كل حدث مهم دايما وراه ناس بتتعب ومش بيظهروا قدام الكاميرا
عايزه اقول شكرا شكراااا ل فؤاد و علاا من جايزه هيبا لانهم تعبوا معانا جدا ومساعدتهم لينا دايما
في كل حاجه احنا كل بنحتجها منهم …. الشكر لوحده مش كفايا ليكوا
اكتسبت من الرحله اصحاب من كل العالم ومن دول مختلفه واهم حاجه في اي تجربه او رحله الصحبه والناس اللي معاك
في النهايه احب اشكر اختي طبعا السيستر مروتي اللي سافرت معايا ورافقتني في الرحله وكانت سند وضهر واه كانت الاستايلت بتاعتي اللبس كله من مختارات مروه جاد
ثانكيو الوت ماي سيستررر ارافقك في طريق نجاحك كده يارب
