عدسة الفنان (( فاطمي الربيعي ‏‎Fatimi Alrubaie )) تعرفنا على التصوير الرياضي أو تصوير (التطويق الحركي) panning photography (عباره عن تصوير شي المتحرك) – تطويق الحركة في التصوير الفوتوغرافي‏ – تقديم : جان البلوشي – الصورة الفوتوغراقية بواسطة ‏‎Fatimi Alrubaie‎‏ — مشاركة : ‏سالم جبار الجاسمي ..

جان البلوشي -صديق ضوء

التصوير (التطويق الحركي) panning photography(عباره عن تصوير شي المتحرك)
عباره عن جعل موضوع (سياره مثلا) واضح والخلفية متحركه او مشوشه حتى يكون التركيز على الموضوع
طريقه تصوير الحركي (التطويق)
طريقه التصوير

مثلا اذا انت في الفورمولا وتبي تصور سياره فراري سرعتها ٣٠٠

وانت تبي توضح بان السياره سريعه جدا.

الغلطه اللي يسونها اغلب المصورين (المبتدئين) يخلون الشتر سريع جدا فتطلع صوره السيارة ثابته (ما سوينا شي)

اعدادات الكام:
عليك اول شي تقلل الشتر حتى 1/50 الى 1/20 على حسب الظروف
والفتحه تخليها ضيقه f16 الى f20 بعد على حسب الظروف
وتقلل من الايسو (اذا الاضاءه متوفره)
وتخلي الكام على التصوير المتواصل continues shooting)

طريقه التصوير:
اول شي لازم تكون متمرن على مسكه الكاميرا
تخلي الفوكس اوتو واغلب الحالات يختارون نقطه الفوكس في النص
(اذا السياره متجهه من اليمين الى اليسار) ابتدي مع السياره وانت تحرك الكام مع السياره من اليمين الى اليسار بدون اي حركه اضافيه (يفضل استخدام مونوبود) وخل الشتر متتابع (تسمع الصوت جغ جغ جغ جغ …..ههههه)

وخلاص نزل الصور في الكمبويتر واختار الافضل ومح البقايا اللي صايرين اوت اوف فوكس، وبعدين نزلهم في الفيسبوك فلكر منتديات عشان اتحصل على النصائح والردود الجميله (كل هاي يشجعك حق التصوير)