تصوير الماكرو Macro Photography

في البداية لازم نوضح الفرق بين التصوير المقرب Close Up و تصوير الماكرو Macro Photography

تصوير الماكرو هو التصوير اللي بيكون فيه حجم العنصر اللي بتصوره و هو منعكس على سينسور الكاميرا أكبر من أو يساوي حجم العنصر في الطبيعة

في الصورة دي مثلا بنلاقي إن حجم الوردة المنعكس على سينسور الكامير = حجم الوردة في الطبيعة , و ده معناه إن نسبة التكبير هنا هي 1:1 و بالتالي ده يعتبر تصوير ماكرو .. كذلك لو كان حجم الوردة المنعكس على سينسور الكاميرا = ضعف حجم الوردة في الطبيعة , ده معناه إن نسبة التكبير هي 2:1 و ده برضوا تصوير ماكرو .. طالما أن حجم العنصر على السينسور >= حجمه في الطبيعة

أما في التصوير المقرب اللي بيحصل إننا بنقدر عن طريق أدوات أو طرق معينة إننا نصور من مسافة قريبة من العنصر .. لكن بيفضل حجم العنصر ده على السينسور أقل من حجمه الحقيقي

الأدوات اللازمة للتصوير المقرب و تصوير الماكرو

لما تقرا بيانات أي عدسة هتلاحظ إن ليها مسافة معينة ما تقدرش العدسة دي تعمل فوكس على هدف إذا كان الهدف ده موجود على مسافة أقل منها بالنسبة للعدسة .. مثلا العدسة الـ 18-55mm سواء كانون أو نيكون بتكون أقل مسافة تقدر العدسة تعمل فوكس فيها Closest Focusing Distance هي 25 أو 30 سم .. حاول تصور عنصر بعد بعد 15 سم من العدسة الـ 18-55 ملي .. مش هتقدر تعمل فوكس عليه

عشان كده ظهرت عدسات خاصة لتصوير الماكرو Macro Lenses و عدسات أخرى فيها خاصية التصوير المقرب يعني بتسمح لك تصور و تعمل فوكس من مسافة قريبة نسبيا من العنصر اللي بتصوره , و برضوا بيطلق عليها إنها عدسات ماكرو .. لكن زي ما عرفنا العبرة بحجم الصورة المنعكسة على السينسور .. لو أقل من حجمه في الطبيعة تبقى مش عدسة ماكرو حقيقي .. فقط عدسة بها خاصية التصوير عن قرب

يبقى عشان تصور ماكرو بأفضل جودة أنت محتاج عدسة ماكرو حقيقي , لكن للأسف عدسات الماكرو غالية جدا

و إن شاء الله هكتب موضوع خاص عن أفضل العدسات المتخصصة في تصوير الماكرو لكاميرات نيكون و كانون

طيب ايه البدائل لو مش هقدر اشتري عدسة ماكرو ؟

توجد بدائل كثيرة تمكنك من تصوير ماكرو , و دي أشهر البدائل

1- أنبوب التمديد Extension Tube

و ده عبارة عن أنبوب بيتركب بين الكاميرا و العدسة , بيسمح للعدسة إنها تبعد عن السينسور و تقرب من الجسم اللي بتصوره و تقدر تعمل فوكس عليه من مسافة أقرب

مزايا أنبوب التمديد

* رخيص نسبيا

* لا تحتاج لشراء أكثر من طقم .. طقم واحد يصلح لكل عدساتك

عيوب أنبوب التمديد

* يقلل من جودة الصورة بشكل طفيف ( لاحظ أنه لا يحتوي على قطع زجاجية فليس هذا هو السبب , و لكن لأنه يجعل العدسة تصور من مسافة أقرب من التي صممت بها )

* لا يسمح لك بالاقتراب بشدة من العنصر الذي تريد تصويره

2- فلاتر الكلوز آب Close Up Filters

و هي فلاتر زجاجية تقوم بتركيبها على العدسة فتسمح لها أيضا بالتصوير من مسافة أقرب

لاحظ أن كلاهما , الاكستينشن تيوب و فلاتر الكلوز آب تباع غالبا في مجموعات ( طقم من عدة قطع ) كل قطعة تجعلك تقترب مسافة مختلفة , و تستطيع تركيب قطعة واحدة أو أثنتين أو تركيب كل القطع

مزايا فلاتر الكلوز آب

* رخيصة نسبيا

عيوب الفلاتر

* لأنها عبارة عن قطع زجاجية فهي تقلل بشكل كبير من جودة الصور , خصوصا الأنواع الرديئة منها

* لأنها تركب على العدسة فمقساتها تختلف , و قد تحتاج لأكثر من طقم إذا كنت ستستخدم عدسات مختلفة للتصوير

3- طريقة العدسة المقلوبة

و هي ربط العدسة على الكاميرا بطريقة مقلوبة عن طريق حلقة ربط خاصة Reverse Ring أو طريقة ربط يدويا تعتمد على المصور و على الطريقة التي يجدها مريحة له

الإضاءة و تصوير الماكرو

في الواقع الإضاءة هي أهم عنصر في أي نوع من أنواع التصوير , فمهما كانت كاميرتك حديثة و عدساتك احترافية .. إذا فشلت في إعداد الإضاءة المناسبة للصورة تأكد أنها لن تكون صورة احترافية على الإطلاق

و تصوير الماكرو يحتاج إلى إضاءة قوية نوعا ما لأن استخدام عدسة ماكرو بفتحة عدسة ضيقة و ايزو بطيء أو اكستنشن تيوب (انبوب تمديد) ستكون الصورة معتمة لذلك يفضل استخدام فلاش خارجي لتعزيز الاضاءة

و الفلاش الخارجي الأفضل في تصوير الإضاءة هو الفلاش الحلقي Ring Flash لأنه يقوم بإصدار و توزيع الإضاءة على العنصر الذي تقوم بتصويره بشكل ممتاز , يليه الفلاش الثنائي .. و لكن طبعا أنت تستطيع استخدام الفلاش العادي لكن احرص على تنعيم الإضاءة و توزيعها بشكل جيد عن طريق Diffuser

نماذج لصور الماكرو