١٨ سبتمبر ٢٠١٤ ·
بناء السيناريو أو القصة السينيمائية
شرح مختصر هنقوم بتوضيحه أكتر بالتفصيل بعد كده ان شاء الله
.
في البداية أرسطو بيقول في كتابه “فن الشعر” لما كان بيتكلم عن القصة
قال إن كل قصة بتتكون من بداية ووسط ونهاية
في ناس اتفقوا معاه وفي ناس اختلفوا معاه
من الناس اللي اتفقت معاه جدا سِدفيلد بيقول في كتابه “السيناريو”إن السيناريو النموذجي يتم تقسيمه لثلاثة فصول.
الفصل الأول يُسمى المدخل او الاستهلال ودا بتدي للقاريء أو المشاهد نبذة بسيطة عن الشخصية الرئيسية وفكرة القصة والحالة التي تريد تناولها
وفي نهاية الفصل الأول بتكون ضروري في أزمة أو عامل مساعد يؤدي للحبكة”
.
بعد كده الفصل التاني دا فصل الصراع أو المجابهة وتوتر الأزمة لان الصراع هوا أساس كل عمل درامي والصراع مش لازم معناه خناق وضرب الصراع ليه نوعين هنشرحهم لما نيجي نشرح عناصر السيناريو يعني ممكن يكون الصراع داخلي وهوا صراع نفسي صراع الإنسان مع ضميره وأخلاقه ونفسه
وسِدفيلد بيقول عن الفصل ده”فما أن تحدد ملامح الشخصية وما تريده لابد لك أن تخلق العقبات أمام تحقيق تلك الحاجة وهذا يولد الصراع
وبيقول إن نهاية الفصل التاني بيكون فيها حبكة ,الحبكة دي بتبقى هيا الأزمة الكبرى البطل بيوصل للذرورة يعني أزمة كبيرة أو عقدة كبيرة لازم ييجي الحل بعد منها
..
الفصل الثالث ودا الحل أو النتيجة لازم في الفصل ده تبدأ الأزمات تتحل ولازم يكون في نتيجة في آخر الفيلم سواء نتيجة إيجابية أو سلبية
………..
النسبة بين الفصول:
نموذج سِدفيلد بيقول: إن السيناريو بيتقسم ازاى.
1:2:1
يعني الفصل التاني زمنه ضعف الفصل الأول والأخير
وهوا بيقول إن السيناريو الطويل بيكون زمنه النموذجي ساعتين فلو طبقنا عليه النموذج هيبقى ازاى
30:60:30
يعني الفصل الأول نص ساعة والتاني ساعة والتالت نص ساعة
ونفس النظام ع الفيلم القصير يعني لو فيلم 12 دقيقة بيكون
3:6:3
ومش لازم تكون النسبة بالظبط بس ع الأقل تكون مقاربة للنظام ده
يعني لو فيلم قصير ممكن يكون
3:5:3
أو 3:5:2
بالتقريب على أد ما الكاتب يحاول يظبطها
في نموذج تاني ودا خاص بس بكتابة سيناريو الأفلام القصيرة لكين دايسانجر وبات كوبر بيقول
إن السيناريو القصير ممكن يتقسم
1:2:1
أو 2:1
أو 1:1
بمعنى إن الفيلم القصير ممكن يتكون من فصلين بس سواء الفصل الأول والتاني مع بعض والفيلم ده اللي بتكونله نهاية مفتوحة بيسيب المشاهد يحط النهاية
أو الفصل الأول والأخير 1:1 بمعني إنه يا دوب بيديك نبذة عن الشخصية واللي هتعمله واهدافها ويعملك نهاية من غير صراع
في نموذج تالت عن الأفلام القصيرة بس بيقول ان بناء سيناريو الأفلام القصيرة يختلف كليا عن الأفلام الطويلة بمعنى انه ما بيخضعش لبناء التلت فصول يعني مش لازم يكون الفصل الأول دا فصل استهلال أو مدخل وتاني حبكة أو مجابهة والتالت نتيجة أو حل
بيقول ان الفيلم القصير بسيط جدا فى كل حاجة بمعنى انه ممكن يكون فصل واحد بس ومش لازم يكون فيه حبكة معقدة ومش لازم يكون فيه أزمة وحل والشخصيات من الأفضل انها لا تزيد عن اربع شخصيات
**
…
Hussein Bashandi