![ربما تحتوي الصورة على: شخص أو أكثر، محيط، سحاب، سماء، نشاطات في أماكن مفتوحة، ماء وطبيعة](https://scontent.flca1-1.fna.fbcdn.net/v/t1.0-9/93910157_10163137154430315_7217889645567148032_n.jpg?_nc_cat=110&_nc_sid=110474&_nc_eui2=AeGZWZFO7HZgfQHqXrut_oDXsUO4KQ9uFkyxQ7gpD24WTDOsI6snkMhehcJ-lZrYuUrFgHqS9JWPiPVXrGnBry21&_nc_ohc=vaWf-Ru8cHAAX9Pgxb2&_nc_ht=scontent.flca1-1.fna&oh=fe5168c7bb466ab1c242f685f8acd6af&oe=5EC5B0CB)
![](https://scontent.flca1-1.fna.fbcdn.net/v/t1.0-1/p112x112/48356603_10160920304050315_7371235186513543168_n.jpg?_nc_cat=103&_nc_sid=dbb9e7&_nc_eui2=AeFjcpvjQsw6sO_lM3rjHDBHBOjeZUkSIDEE6N5lSRIgMXm7wKr3iddPL3yhg4njUnCHv2iyCPoE-ZxY0ZLImD8i&_nc_ohc=-0UPBHSelXwAX8f-4s6&_nc_ht=scontent.flca1-1.fna&_nc_tp=6&oh=8ed8db059517b277a840efc58008a328&oe=5EC8662F)
من معرض الشريان
علشان اللي مش عارفين يناموا لحد دلوقتي
العمل ده ليه حكاية وصعوبات كده في تنفيذه ممكن احكيها لكم .. كنت في مناقشة غاية في الرقي مع أحد الاصدقاء في مشكلة ما وكان في انفعالات إنسانية كتيرة ولقيت نفسي في المناقشة قولت جمله عمري ماسمعتها من حد قبل كده وهي ..”انتي ليه بتأدفي في الدنيا بشوكة ” جملة طلعت مني مش عارف ازاي بس كانت مناسبة للمناقشة وبتعبر بكل بساطة عن المشكلة اللي كنا بنتكلم فيها .. طبعا كعادتي في شغلي رحت راسم الاسكتش ده .. حد في المية بيأدف بشوكة .. وكملت باقي اسكتشاتي للمعرض لحد ماجه وقت التنفيذ فأنا منظم شويه قولت هبتدي بأول اسكتش عملته ابو شوكة … عايز اصور مركب طبعا رحت علي النيل .. المراكب مش هي اللي في دماغي .. رحت مسافر علي اسكندريه المنشية .. مراكب كتير بس معرفتش اجيب الزاوية اللي في دماغي والمراكب ملونه بزياده .. قولت الحل اني افصل مركب سالت واحد صاحبي قالي عندي نجار معجزة يعملك ده قولتله ماشي ..قعدت تلات شهور مستييه وفي الاخر لقيته جايبلي عربية كارو .. كنت في زيارة الكويت تحكيم عرفت أن في مركب عند الدوم هناك وهو اسم مركب اثري تجاري وملقيتش بردوا المركب اللي في دماغي .. اي حد يسافر من صحابي أسوان ولا اي حته أقوله هاتلي مركب ..بردوا مش هو المهم البحث ده اخد سنة اه والله سنة ولا مركب زي الصورة اللي في دماغي والاسكتش .. المهم جالي تحكيم في بلد ساحلية في أقصي شمال تركيا غالبا آخر نقطة اسمها سينوب بلد صغيرة ورحت اربع ايام .. حتي الشنطة بتاعتي اناخرت في الرحلة دي ولما كلموني في المطار قولتلهم انا هاخدها وانا مروح .. المهم وانا هناك لقيت محل معجزة وشيك جدا وغالي جدا بيعمل مراكب هاند ميد أحجام مختلفة بس تنفيذ تحفة .. المهم شفت المركب اللي مرسومة في خيالي واشتريتها برقم بس حلال فيها .. باقي الصورة سهل طبعا موديل بفستان فرح والبحر الهادي ده عندنا في السخنة موجود طول السنة مش هستني شهر تسعة في الساحل البحر بيبقي هادي والحمد لله خلصت اللوحة زي ما متخيلها تقريبا والشوك الخشب كانت سهلة الحمد لله … الصورة دي أخرت معرضي سنة لاني مكملتش باقي شغلي الا لما نفذت أول سكتش … وفعلا عملت اقرب الأعمال لقلبي
اول مرة اظن اكتب كده بس فعلا الحظر ده غيرنا شوية
![ربما تحتوي الصورة على: شخص أو أكثر، محيط، سحاب، سماء، نشاطات في أماكن مفتوحة، ماء وطبيعة](https://scontent.flca1-1.fna.fbcdn.net/v/t1.0-9/93910157_10163137154430315_7217889645567148032_n.jpg?_nc_cat=110&_nc_sid=110474&_nc_eui2=AeGZWZFO7HZgfQHqXrut_oDXsUO4KQ9uFkyxQ7gpD24WTDOsI6snkMhehcJ-lZrYuUrFgHqS9JWPiPVXrGnBry21&_nc_ohc=vaWf-Ru8cHAAX9Pgxb2&_nc_ht=scontent.flca1-1.fna&oh=fe5168c7bb466ab1c242f685f8acd6af&oe=5EC5B0CB)