ياتلالنا
من حكايا سوريا والسو يين ….
حكاية” التلال ” ..(1)
“تل شغربازار ”
فيشة فخار سورية …
بالشمال الشرقي من سوريا ..بمحافظة الحسكة السورررية ..بمدينة عامودا وكمان السورية..ب تل شغربازار وكمان السوري…(مع التأكيد واﻹصرار على سورية شمال بلدنا)..
وجدت البعثة المشتركة السورية ..البلجيكية.. البريطانية..مجموعة من المكتشفات القديمة اللي بترجع لﻷلفين الرابع والخامس ق.م ومجموعات للألف التالت والتاني واﻷول ق.م..والبعض من بين هالمكتشفات :
تمثال كبير لﻹلهة اﻷم السورية الكبرى (اﻵلهة السورية القديمة) بيرجع تاريخها لفترة تل حلف يعني اﻷلف الخامس ق.م ..
تمثال لدمية طينية للربة عشتار ..بيرجع لﻷلف التاني ق.م ..
مجموعة كبيرة جدا من الرقم المسمارية وأختام بترجع للفترة البابلية واﻵشورية.
باﻹضافة لمجموعة كبيرة من الدمى اﻹنسانية والحيوانية والخرز والحلي واﻷدوات الفخارية الملونة والمدهونة واﻷدوات البرونزية …وغيرها ..
وعلى بعض الرقيمات مذكور اسم الملك اﻵشوري شمسي حدد اﻷول اللي حكم المنطقة بالقرن 18 ق.م….
أما الشي الغريب اللي وجدوه.. كان : عدد كبير جدا من الرقيمات صغيرة الحجم بتتراوح ببن (3_5 سم) .. منقوش عليها كتابة أو أرقام أو إشارات… وبعد اﻻستغراب والدهشة من صغر حجمها ونقوشها المختصرة ..ودراستها والمحاولات المضنية لكشف أسرارها…تبينلهم أخيرا انها عبارة عن أفياش (جمع فيشة ..إي ..يعني لا تستغربوا انتو كمان ) وطلعت هالرقم الصغيرة هي بطاقة دخول للشرب في الحانة ..( إي نعم مثبت ومؤكد بيد المؤرخين ).. وكان في عندن أنواع من البيرة وغيرها من المشروبات الروحية….(هﻷ اندهشوا !!!!!!!). ..اتخيلوا هالكلام من 4..5 الاف سنة ق.م ..بسوريا.. وقديش كانوا أجدادنا منظمين ومرتبين بكل نواحي الحياة السياسية و الثقافية واﻹقتصادية واﻹجتماعية وحتى بالرفاهية والتسلية لدرجة انو عندن بطاقات دخول (ولو فخارية ولوووو..) للمسارح والحانات وغيرها..وقديش نحنا ما منعرف أجدادنا ولا منعرف نظام حياتن ولا علومن ولا تراثن ولا تاريخن…..يمكن هالكشوفات عم تذكرنا فيهن لنتعرف عليهن ونتعلم منن وعاﻷقل نحفظلهن أرضهن العتيقة اللي فوق ..فوق ..بالشمال والشرق…