العنوان…حنين الضيعة
الشاعر #هيثم _وطفة
هيثم أبو علي
ضيعتي شو بحن
وللبيت العتيق…وهاك المسا وسكون يغمر هالدني
والشمس تفلش شعرها المتل العقيق…تعانق حلا التلات بلحظة شيطني
ولمة صبايا وناس يمشوا عالطريق…وطيور عم بترف حول المدخني
وراعي مع الغنمات وبنايو الرقيق…يرندح مع النسمات نغمة مدوزني
وللقنطرة حكايات وللجسر العتيق…ولبيادر القمحات حد المطحني
وقفت طلع صوب هالوادي الغميق…وقلّب صور رفقات وقت الولدني
حسيت حالي كبرت…صرت بلا رفيق
صرخة وجع مخنوق
وجنّت الأشواق
غص القلب بالدمع
عزتني الدني
