Hassan Almathami
قاعدة التسلسل أو الخطوط الدّالة
![Photo_Cat_p_8](http://www.365tut.com/wp-content/uploads/Photo_Cat_p_8.jpg)
التسلسل في الصورة
نرجع للعبارة السابقة واللي قلناها في أول مواضيع تكوين الصورة
تخيل الصورة كتاب .. لو أنت كاتب وبتكتب عن قصة
أكيد بتبدأ بمقدمة ثم موضوع رئيسي ثم خاتمة للقصة
وخلال الموضوع الرئيسي بتوضح التفاصيل بشكل أكبر
والخاتمة بتكون مختصرة جداً ووممكن في بعض القصص تكون الخاتمة مبهمة وغير واضحة
وهذا كله يسويه الكاتب عشان يوصل بشكل سريع بالفكرة للقارئ
اللي ذكرناه فوق كله في الكتابة
ونفس الشيء في التصوير .. أحياناً يحتاج المصور إنه يسوي تسلسل في الصورة للوصول إلى عين المتلقي أو المشاهد بشكل سريع ومريح
مثال
![Leading_Lines_6](http://www.365tut.com/wp-content/uploads/Leading_Lines_6.jpg)
هنا المصور حط مقدمة في الصورة وما كانت بشكل واضح
بس عيوننا تلقائياً تمشي وتتابع الموضوع وتمر على الموضوع الرئيسي والخاتمة الموجودة في الخلفية
نقدر نعرف التسلسل في الصورة أو الخطوط الدّالة (هذي الترجمة اللي لقيتها)
بأنه استخدام عناصر متسلسلة من الصورة كأداة للوصول لفكرة رئيسية
الخطوط هذي ممكن تكون بأشياء مختلفة مثل:
عواميد في الحديقة
![Leading_Lines_9](http://www.365tut.com/wp-content/uploads/Leading_Lines_9.jpg)
مصور استخدم مسار عجلات السيارة كخطوط دّالة على ان المكان خـــالي
![Leading_Lines_8](http://www.365tut.com/wp-content/uploads/Leading_Lines_8.jpg)
بالإمكان استخدام أي شيء يجي على بالك أو تطيح عليه عينك
ومو شرط تكون الخطوط مستقيمة أو محسوسة بشكل كبير
في الصورة التالية ، المصور استخدم السحاب وتشكلاته ك خطوط دّالة للمبنى
![Leading_Lines_3](http://www.365tut.com/wp-content/uploads/Leading_Lines_3.jpg)
المصور هنا استخدم الشاطئ
![Leading_Lines_2](http://www.365tut.com/wp-content/uploads/Leading_Lines_2.jpg)
وهنا بعد
![Leading_Lines_7](http://www.365tut.com/wp-content/uploads/Leading_Lines_7.jpg)
مثل ما ذكرنا فوق .. يمكن نهاية القصة أو الرواية ما تكون واضحة
وهذا مثال مصور
وش نهاية العمود ؟
المصور يترك التفكير للمشاهد
![Leading_Lines_4](http://www.365tut.com/wp-content/uploads/Leading_Lines_41.jpg)
ممكن أيضاً استخدام الخطوط الدّالة في تصوير البورتريه أو الماكرو مثل
بورتريه
![Leading_Lines_11](http://www.365tut.com/wp-content/uploads/Leading_Lines_11.jpg)
ماكرو
تطبيق قواعد التكوين يعتبر موضوع شبه أساسي في كل أنواع التصوير
في بعض الأحيان وبعض الأنواع يكون فيه قواعد جديدة وبعض الأحيان بعض القواعد لا تطبق أو يفضل كسرها