سور ترقا (مملكة خانا) السوري العظيم…
اي ﻻ تستغربوا عنا بسوريا أقدم سور بالعالم (عاﻷغلب ﻷنه لحد اﻵن هو الأقدم يالكشوفات التاريخية )…
بين مدينة البوكمال بالشرق ومدينة الميادين بالغرب عند مصب (أو ملتقى) الخابور بالفرات بمحافظة دير الزور..في موقع أثري قديم جدا اسمه تل العشارة …وهو عبارة عن منطقة أثرية كبيرة جدا اكتشفوا فيها مدينة اسمها ترقا..مذكورة كتير بوثائق بابل وإيبﻻ وماري…وترقا بتعني = المياه الغزيرة المتدفقة..
باﻷلف الرابعة ق.م..بدأ اﻹستيطان بموقع القورية (تعني :المبجلة ..الجليلة) القريب من ترقا وامتد ليشملها وصارت ترقا مدينة كبيرة وقوية..وبمطلع اﻷلف الثالث ق.م بدأت المدينة تحصن حالها فبنت سور ضخم من اللبن المجفف : الطوب المصنوع من تراب وقش .. وكان عرضه 20 متر وطوله غير معروف (كشف جزء منه.بس)..ومحيط بالمملكة القديمة ..وبقي السور مستعمل بفترة السﻻﻻت اﻷولى والتانية ب2500 ق.م وضلوا أهل المملكة يجددوه ويرمموه حتى اﻷلف التاني ق.م ..وهالشي خﻻ اﻵثاريين وعلماء التاريخ يعتبروا انو هالسور هو من أضخم اﻵثار المكتشفة بسوريا بعصور ما قبل الميﻻد…أقدم سور بالعالم ..
(اي منشان ماتقولوا سور الصين العظيم ..وللتنويه : سور ترقا شيد بسنة 3000 ق.م ..مبني من الطوب اللبن ..وعرضه 20 م وطوله مجهول لحد اﻵن….أما سور الصين شيد بسنة 202
ق.م ..مبني بالطوب ولحجارة والصخور..عرضه بيتراوح بين 6م_9م ..طوله 6800 م..دفن بقربه وحواليه مﻻيين العمال اللي بنوه لهيك بيسموه أطول مقبرة بالتاريخ..بس للحقيقة هو معلم أثري عظيم.)..
وعاحسب قول علماء التاريخ ومنقبي اﻵثار انو بمدينة ترقا عالفرات بدأت الزراعة من أكثر من عشرة آﻻف عام..
بعهد سرجون اﻵكادي كان يسميها داجان على اسم اﻹله العظيم دجن وﻷنو ترقا كانت مسكنه …وكانت ترقا تحت سيطرة مملكة ماري وبعد سقوط ماري على يد حمورابي سكنها قبيلة عمورية اسمها قبيلة خانا وصارت ترقا اسمها مملكة خانا..وبالعهد اﻵرامي صار اسمها ﻻقى (ملتقى النهرين)..وبالوثائق اﻵشورية اسمها سيروتو …وأهم المكتشفات اﻵثرية : سور ترقا العظيم _مجموعة ضخمة من الرقيمات _رقيمات اسطوانية متعلقة بشخص اسمه بوزوريوم _لوحة كتابية مسمارية (نص فيه محتوى عقاري عن مملكة ترقا) _رقيم مسماري (رسالة من الملك زمرلي ليم) _رقيم عن رحلة الملك اﻵشوري شمشي_آدد لزيارة معبداﻹله دجن “نيني كراك” في ترقا _مسلة بازلتية ضخمة فيها نحت بارز للملك اﻵشوري نينورثا الثاني وعليه نقش باﻵرامية والنحت فيه بيشبه الموجودة بتل حلف _
وهﻷ الشي اللي ﻻزم نعرفه (شوية حرحرة) انو بعام 1920 في عالم آثار مشهور اسمه ثورو دانجان نقب بنفسه بمدينة ترقا وعمل سبر لﻵثار فيها..وبعده بسنة 1923 اجت مجموعة من اﻷمريكان ( بالسر) وكمان عملوا سبر تاني لﻵثار ..وبعدن اجوا الفرنسيين واستحوذوا على كل شيء ..(طبعا نحنا كنا نتنقل من احتﻻل ﻹحتﻻل وﻻ حول لنا وﻻ قوة ..مو واعيين لشي)..وبعام 1975 اجا العالم اﻹيطالي جورجيو بوتشيﻻني وزوجته مادلين وعملوا تنقيب وبحوث واكتشفوا كتير من اﻵثار ب ترقا…وبعام 1986 اجت بعثة فرنسية للتنقيب..وبعدا بقيت ترقا من وقتها على وضعها دون تنقيب أو بحث لحد اﻵن..
أو يمكن وعاﻷغلب وﻻ تسنبعدوا انو واحد من أهم أسباب وجود اﻷمريكان( العاشقين لليهود) ..بالمنطقة هﻷ (بﻻ اذن وﻻ دستور).. مو بس النفط والغاز وغيرها من الحجج السياسية..السبب المخفي هو سرقة تاريخنا وحضارتنا.. فاتخيلوا قديش هالدول عم تدفع مال وتجر جيوش وتجند عدد هائل من المرتزقة ليسرقوا كلشي اﻷخضر واليابس الحجر والبشر والأرض ..صحيح نحنا عم ندافع عن أرضنا وتراب وطننا بس ما عم ندافع عن ناريخنا وتراثنا وهويننا السورية الحقيقية….
مافي شي أيدى من شي ..كلو مهم ومهم جدا …
