مقاس العدسة
العدسات مختلفة الأحجام، تختلف في الأطوال وتختلف في المكونات وتختلف في القطر.
بعض العدسات تكون ذات قطر صغير وبعضها يكون كبير
الحجم يختلف، وباختلافه تختلف أدوات كثيرة.
في موضوع اليوم بنتكلم عن أهم الأدوات اللي بدون معرفة مقاس العدسة ما نقدر نشتريها
مقاس العدسة
من الأدوات الأساسية للعدسات واللي ما نقدر نشتريها إلا بمعرفتنا لمقاسها
غطاء العدسة الخارجي
كثير مننا مع الاستخدام والسفر وكثرة التنقل يضيع منه الغطاء الخارجي للعدسة.
وتروح تشتري غطاء جديد، وتسأل البائع عن غطاء للعدسة
يقول لك مباشرة (مقاس كم) ٧٧ ؟ ٥٢ ؟ وقتها تستغرب كثيـــر
خصوصاً انه يقول أرقام غير اللي كنت متعود عليها
عدستك مثلاً ١٨-٢٠٠ أو ٢٤-١٠٥ !!
بس البائع يقول ٧٧ و ٥٢ !!
شيء غريب
مقاس العدسة
شراء الفلاتر
طرحنا مواضيع في السابق عن مختلف الفلاتر
بولارايزر و ND و فلتر UV وغيرها
كل هذه الفلاتر، لو رحت لمحل الكاميرات وطلبت تشتري فلتر
أو فكرت تشتري فلتر للعدسة عن طريق الانترنت
الفلاتر ما تباع للعدسات.
يعني ما تحصل فلتر اسمه (فلتر حماية لعدسة 50mm)
لذلك معرفتك لمقاس عدستك بيساعدك كثيــر في شراء الفلتر المناسب.
مقاس العدسة
لينس هوود – واقي العدسة – Lens Hood
سواء ضاع اللينس هوود أو انك شريت عدسة ما جاء معها لينس هود أو لأي سبب آخر.
ضروري تعرف مقاس عدستك. بالإضافة لنوعها
حتى مع معرفة مقاس العدسة من المهم معرفة أعرض زاوية لكي لا يتكون عندك تأثير الفينييتنق
مقاس العدسة
شراء عدسة
فلنفترض ان عندك مجموعة عدسات، ومجموعة كبيـــرة من الفلاتر
ممكن تكون محتار بين عدستين. وكلهم ذات نفس البعد البؤري. وكل شيء فيهم متشابه أو متقارب بشكل كبيـــر حتى السعر.
لكن الاختلاف الوحيد هو مقاس العدسة.
وقتها، اذا شريت العدسة A بتحتاج تشتري معها فلاترها الخاصة
وإذا شريت العدسة B بتقدر تستخدم نفس الفلاتر الموجودة عندك.
وش تختار وقتها؟
مقاس العدسة
شراء وصلة لـ قلب العدسة
في موضوع سابق تكلمنا عن قلب العدسة، عملية التثبيت باليد خلال عملية قلب العدسة لاتكون مجدية بشكل كبير.
لذلك تحتاج لوصلة. ماهي الوصلة المناسبة لعدستك ؟ تقاس عن طريق (مقاس العدسة)
مقاس العدسة
بعد كل هذه التقاط المهمة لمعرفة مقاس العدسة.
بيكون السؤال المهم: كيف أعرف مقاس عدستي/عدساتي ؟
المقاس ممكن يكون موجود في أكثر من مكان
لكن هنا نستعرض أهم الطرق لمعرفة مقاس العدسة
خلف غطاء العدسة
لكن إذا كان الغطاء غير موجود، بإمكانك معرفة المقاس عن طريق
العدسة نفسها
هنا مقاس العدسة هو 58mm
أو ممكن تعرف مقاس العدسة عن طريق استخدام
المسطرة
استخدام المسطرة يوضح لنا معنى مقاس العدسة، وهو طول قطرها بوحدة الـ سم