رخا
رخا
محمد عبد المنعم رخا ابو فن الكاريكاتير فى مصر. اتولد يوم 7 ديسمبر 1911 فى قرية سنديون, محافظة القليوبية – مات يوم 18 ابريل سنة 1989 و هو عنده 78 سنه. هو اول رسام كاريكاتير مصرى فى تاريخ الصحافة المصرية. دخل السجن سنة 1933 لمدة 4 سنين بتهمة قضية العيب فى الذات الملكية و التشهير بالملك فؤاد عن صورة رسمها فى مجلة المشهور. سنة 1944 ابتدا يرسم كل يوم و كل اسبوع فى جورنال أخبار اليوم, و الأخبار, و مجلة اخر ساعة, و الجيل. نشر الكاريكاتيرات بتاعته فى الصفحة الأولانية كل يوم فى مجلة “المصرى”. انشأ بقى رئيس الجمعية المصرية لرسامين الكاريكاتير فى يناير سنة 1984. مدرسة رخا خرجت أسامى مشهورة بعد كده زى: عبد السميع عبد الله, زهدى, صلاح جاهين, جورج البهجورى, مصطفى حسين.
شخصيات رخا الكاريكاتيرية
- ابن البلد
- رفيعة هانم
- بنت البلد
- ميمى بيه
- قرفان بيه
- غنى حرب
- قصبى أفندى
- سكران باشا طينة
كتب
- الاعمال الشعرية لرسومات رخا
- صور فكاهيه
جوايز و اوسمة
- وسام الاستحقاق سنه 1976
- وسام الجمهوريه سنه 1981
- جايزة مصطفى امين لدوره الرائد فى الكاريكاتير المصرى وهو فى عمر 75 سنه