سامان الجاف
#تفيك
المصطلحات الفوتوغرافية مهمة تعرفها بالانكليزي . دائماً اوصي طلابي من يجون للدورة اكلهم من تحجون موضوع بالفوتوغراف احجي المصطلحات بالانكليزي بحيث المقابيلك اوتوماتيكاً يحسك تفتهم حتى اذا انت متفتهم يعني بين قوسين #فيك وطبعاً هسه يامكثرهم الي يفيكون يعرفون جم مصطلح ويضلون يفيكون براسنه بس شئنا ام أبينا هيا مطلوبة طبعاً مو بس ابمجال التصوير هذا التفيك موجود اليوم قابلت دكتور عندة شركة مال ادوية وراد مني اصورله ادوية فقابلته ويضل يفيك علية بمصطلحات مافهمته كلها اخير شي بيها لوك المهم فيك وواضح انو يفتهم كلت اني هم افيك بس هوة فكلتلة ( تصوير منتجات الادوية يحتاج اكسبوجر نورمل مقاس بلايت ميتر باستخدام لنس ذات شاربن وفي ار ضد الانحراف اللوني واستخدام لايتنك ودبل دفيوزر وتريكر وسوفت بوكس سبشل واستخدام كي لايت وفل لايت وباك لايت والقياس اخيراً بالاهستكرام ) طبعاً كل الحجي ماله داعي بس اهنا هو صفن جان يكول متفقين باجر تجي اتصور واني الممنون .
يااخي شعب يحب الفيكة