إليكم النصائح والمعلومات المهمه الــ 24 للمصورين المبتدئين.. – نصائح سريعه ومختصره للمصورين الهواة سواء تصوير بورتريه او طبيعيه او مباني او طيور او جبال ..الخ – العراقي : سعود بن عبادي ..

1-صور اكثر من صوره لنفس المكان وبزاويا مختلفه 

2- لاتميل الكميرا عند التقاط صوره الا في وضعيات قليله مره مره 

3-احرص على تضبيط الاعدادت مثل الإيزو او اذا ماعرفت سو لها اعادة ضبط من جديد Reset all

4-امسح ع الفلاش لو صار مغبر اذا كنت تستخدم فلاش في تصوير الوجوه او اماكن مع اني مانصح فيه ^_^

5-لاتقرب الزوم كثير بالنسبه للكميرات الديجتل ..اما الاحترافيه عادي ع حسب عدستها 

6-حاول تصور الهدف من قريب وتتخيل كيف راح تطلع الصوره كنها دعايه او غلاف مجله مثلاً او غلاف فلم

7- لاتعتمد ع الفلاش حاول تركز ع الهدف وتستفيد من الاضاءه الي حولك زي الشمس و الاسبوت لايت (جربوها)
لان الفلاش العادي يخلي وجهك يلمع كنه دهني وتحس انك شين ويخلي عيونك مدري كيف
8-لحظه افكر وش بعد

9- بالنسبه لتصوير الوجوه حاول تتصور وانت حالتك النفسيه حلوه يعني بتطلع البكتشر حلوه ^_^

10- لاتتحطم وتقول انك ماتعرف تصور وان صورك فاشله وكثير ينتقدها عادي هم طيب الي قبلك كانوا زيك ^_^ وانك لازم لازم تدخل دوره لا لا

12-حاول تشوف تصوير الناس المحترفه وكيف حاول يصور واي زاويه يعني من باب الاستطلاع فقط

13-كل مصور في الي احسن منه واحيانا صوره وحده معبره تسوى عشر صور ..يعني كل يوم نتعلم 

14-لاتاخذ الدعوه تحدي مثلا او تقهر فلان وغيره هي موهبه وهوايه وفن حاول تعيش جو التصوير

15-خل الكميرا معاك وين ماتروح يمكن تلاقي شي حلو تصوره مثلا مطار ، كوفي ، طياره ،محل حلو ..الخ

16-التصوير مع الوقت يصبح ادمان وتتمتع فيه وراح يتغير مستواك كل فتره وتطور كميراتك وعدساتك 

17- لاتنزل صور كثيره لنفس الموقع الي صورته يعني بالكثير صورتين عشان مايروح احساس التصوير 

18 نصيحه مهمه لو لو مثلا يعني اضطريت وتبي تبيع كميرتك لاتبيع الذاكره اكسرها او خلها عندك 
عشان ماحد يرجع الصور منها 

19- تذكر التصوير انواع/ بورتريه(اشخاص) ..زهور ..مباني ..بحار..اطعمه ..حيوانات ..مجال مره كبير 

20- طريقة مسكة الكميرا الاحترافيه 

21- في عدسات للكميرات الاحترافيه تبدأ من 700 ريال الى 120 الف ريال (حبيت اعطيكم معلومه بس)

22-في كميرات ديجتل تبدأ من 400 الى الإحترافيه 37 الف ريال 

23-اهم نصيحه حاولوا تركزون ع تصوير النهار افضل من الليل للاماكن والمعالم 

23- معالجة الصور بالفوتوشوب وتقنية الـ Hdr لها دور في جمالية الصوره 
الفوتوشوب له دور في التعديل للمباني والاماكن مع الوقت حاول تعالج الصور بالفوتشووب وتشوف النتيجه
بس مو كل شي يضبط ع حسب الصوره وهيك ويمكن صوره حلوه ماتحتاج تعديل بس تحط نكك وتنزلها .

مثال :
انا صورت صورة بكميرتي وطلعت حلو وصافيه بس حبيت اعدل بالفوتشووب 

قبل التعديل

بعد التعديل

شفتوا كيف بصراحه كنت اشوف مصورين امريكين يصورون كذا وقلت ابي زيهم فكرت الكميرا غاليه والعدسه و و و و المهم كميرتي هذي نيكون s52 صغيره :D وحاولت ونجحت مع المعالجه والزاويه والجو صافي 

23- لاتستعجل بعرض الصوره في المنتدى خذ وقت وضبط واختار الصوره المناسبه يعني 

24- شي مهم [ حجم الصوره ] لايصير مره صغير لمن تنزلونه هنا يعني 800×600 معقول للأماكن .
اما للوجوه ع حسب بس اهم شي الوضوح والإحساس بالصوره لمن يتفرج عليها احد تكون معبره 

25-في نقطه تضايق الكثير الا وهي النقد وناقد عن حاقد يفرق وبعضهم يحب يطلع عيب في الصوره 
حتى لو مثلا الصوره حلوه ومرتبه يقول الايطار مو حلو او لو العصفور ماطار من الشجره كان الصوره احلى ههههههه يعني لاتدققون كثير ع النقد صح في نقد هادف وانت تحس انه فعلا نقد بمحله وبعضه مو بمحله 
لان الناس اذواق الصوره تعجب 10 وماتعجب واحد