لا يتوفر وصف للصورة.
ورشة سينما
١١ نوفمبر ٢٠١٤ ·
نصيحة بسيطة لمخرج مستقل
*
انتا كمخرج في تلت جوانب انتا مسؤول عنهم ودول دورك كمخرج
جانب فكري
جانب تقني
جانب قيادي
**
الجانب الفكري: رؤيتك كمخرج بداية من رؤيتك للفكرة والسيناريو لان دول مش اختصاص المؤلف بس , السيناريو ما هواش كتاب مقدس وانتا هتتحاسب على الجانب ده,سواء كان السيناريو كويس او وحش فهيكون مسؤوليتك برضو, السيناريو لازم يخضع لرؤيتك الفنية لكن طبعا بشكل محسوب وباتفاق بينك وبين المؤلف
*
الجانب القيادي: انتا المدير الفني والمايسترو للعمل ومسؤول انك تقدم وجبة فنية متكاملة العناصر وتقدر توازن وتوفق بين كل عناصر العمل وبين فريق العمل عشان كل عنصر بيكمل التاني
*
الجانب التقني: يمكن الجانب ده- وده اللي يهمنا نتكلم عليه دلوقتي- بتأثر عليه الناحية الانتاجية ,
مشكلة اى مخرج مستقل مبتديء ودي برضو مشكلة مخرجين كتير ان اول شيء يفكروا فيه قبل حتى ما يفكروا في الفيلم بيفكروا في الناحية دي عاوزين معدات تصوير واضاءة بشكل غريب وكرين – شاريوه- ريج- استيدي وغيره ولوكيشنات وديكورات واكسسوارات وده برضو اول شيء بيحسسهم بالعجز وهما بيفكروا لسى ف اى عمل جديد
طبعا مشكلة مخرجين كتير جدا حتى غير المستقلين انهم بيحبوا استعراض عضلاتهم بشكل غير مبرر ومالهوش اى داعي درامي مجرد لعب بالكاميرا وبمعدات التصوير انا بحس بصراحة ان ده استعراض انتاج مش اخراج
اهتم في البداية بالناحية الفكرية وحاول تقدم فكرة بسيطة وغير مكلفة وف نفس الوقت تكون مبتكرة مش ملزم انك تعمل فيلم خيال علمي ف بدايتك فهنا مش هتضطر تستخدم معدات متكلفة , تاني شيء انتا لو اضطريت انك تعمل شغل بصري معين ولازم يكون معاك معدات معينة انتا سهل لو فكرت تصنع المعدات دي , مخرجين الواقعية الايطالية كانوا بيعملوا حركات الدولي بعربيات خضار فممكن تستخدم كرسي متحرك ممكن تجيب لوح خشب وتركبله عجلات تحت منه وتثبت عليه ترايبود الكاميرا , فانتا لو اضطريت هتقدر تستخدم امكانيات بسيطة وغير مكلفة
اهم شيء اعرف ان البساطة هيا الحل
سواء البساطة في الناحية الفكرية او الناحية الفنية
فما تصعبش الموضوع على نفسك
الموضوع محتاج تفكير مش اكتر
**
حسين بشندي
ــــــــــــــــ
ورشة سينما
١٧ سبتمبر ٢٠١٤ ·
انواع الكتابات النقديه السينمائيه
العرض النقدى ودا نوع من المقالات التحليليه المن تشره فى الصحف الفنيه الناقد بيشوف فيلم جديد فى السينما بيشرح حبكه الفيلم ويحلل جوانب العمل _المقال النظرى
دا بيكون ربط بين مضمون الفيلم والايدلوجيه
وبيكون مقال اكاديمى موجه لمحترفى او دارسى الفنون السينمائيه
لانه بتناول مصطلحات نظريه وعلميه
المقاله النقديه التطبيقيه
بيخاطب فيه جمهور عريض شاف الفيلم اللى بيتكلم عنه
نقول فيلم قديم مثلا بيتناول فيه نقط جماليه بعيد عن حكى للحبكه
___مقاله الرأى والتقويم
ودى بتبقى مقاله موجهه حسب رؤيه صاحب المقال
بتوصل لحد التضليل لترغيبك فى فيلم او تشويهه لعدم مشاهدته
