من حكايا سوريا والسوريين ..
حكاية العبادة والأعياد واﻹحتفاﻻت والمناسبات السورية :
أجدادنا السوريين القدماء كانوا يآامنوا بفكرة عظيمة ولطيفة وهي انو اﻹنسان يضيء بالمعرفة واﻷخﻻق والمحبة ..وانو الجاهل بيبقى مصدر للشرور واﻵثام والمفاسد واﻷخطاء…
لهيك كانوا مقبلين عالتعلم و اكتساب المعرفة والثقافة اللي بتتناسب مع رقي حياتهن اﻹجتماعية وارتباطهن المقدس بالطبيعة واﻷرض فكانوا فضوليين وشغوفين ومقبليين عالتعلم والمعرفة ومغامرين باﻹكتشاف والتجربة فكانوا مبدعين ومخترعين ومهرة بكل مجاﻻت الحياة ..
فاكتشفوا القدرة والطاقة اﻹﻻهية الموجودة بالطبيعة والكون اللي بتعطيهن الخير فقدسوها وآمنوا فيها وأطلقوا عليها أسماء ورموز وتفسيرات علمية مدهشة (أدهشت علماء عصرنا الحديث)..
وبنوا عليها حكايات وأساطير وطقوس جميلة كانت تمثل طرق تعليمية لشرح وتفسير هالقدرات والطاقة اﻹﻻهية ..بكل مجاﻻت الحياة .. فخصصوا لكل شي إله وأعطوه تسمية حسب وظيفته وخصصوا لكل اله يوم لﻹحتفال فيه وخلقوا أعياد ومناسبات للفرح والراحة والشكر (رح اذكرلكن اياهن باﻵخر) وكلها مرتبطة بعقيدة الخصب الزراعية أو ميﻻد الطفل اﻹﻻهي وقصة الخلق اﻷولى ونشوء الكون (اسطورة الخلق والتكوين اﻹينوما ايليش (رح احكيلكن اياها يعدين).. وملحة كرت وداني إيل وأقهات..واسطورة عشتار وتموز)..
وكانت عﻻقتهم مع آلهتن جميلة فبرأين انو اﻵلهة شبيهة باﻹنسان (ﻷنها خلقتو على شاكلتها) فهي بتاكل وبتشرب وبتحب وبتتزوج وبتحزن وبتفرح وبتحب الكﻻم الحلو والفرح والموسيقا..وهي خالدة مابتموت وهاد الفرق بينها وبين البشر..فصﻻة السوري ﻵلهته كانت بالغناء والموسيقا..وبنالها معابد كتحف معمارية (لسه بعضها قائم وموجود لحد اﻵن)
وهالمعابد مو بس للعبادة ..كانت مراكز للعلم والمعرفة واكتساب الثقافة ..فمتل ما الإنسان اجا عالوجود بارادة خالق فهو ابن الله والناس كلهم إخوة ..واﻹنسان ابن الطبيعة وهي اﻷم وﻻزم تكون عﻻقتة مع محيطه متل عﻻقة اﻷم بابنها (حب ووئام) مو (تناقض وانفصام) هالشي زاد بترسيخ اﻹيمان وروح قبول اﻵخر (واﻹحساس فيه ومشاركته بكل شيء) بنفوس السوريين …
وكان المفهوم الروحي للجنة عندهن ما الو مثيل بالتاريخ (مافيه خوف وترهيب بعذاب وحرق بالنار) ﻷنو مفهوم الله عند أسﻻفنا السوريين بتتلخص بكلمة وحدة هي (المحبة اللي بتربطه بأبناؤه ومخلوقاته) لهيك ما كان فيه عند السوري أضاحي و دبايح..كان تقديم القرابين والنذور على شكل عطايا من خيرات المواسم الزراعية ومن صنع ايدو …من باب العرفان بالجميل وتقديم الشكرلﻹله وتكريمه ..متل عن طريق تقديم الخبز اللي هو أساس الحياة والخمر اللي هو ماء الحياة…
ومتل مو معروف انو التراث السوري هو أغنى وأقدم تراث متصل ومتواصل لﻹنسان العاقل على كوكبنا اﻷرض ..
كان عند قدامى السوريين عادة اتفردوا فيها وهي انو يدونوا تاريخن على (رقيمات طينية ) ودائما يبدأو بقصة الخلق ونشوء الكون…ومن هالرقيمات وصلنا واتعرفنا عاتاريخنا وتراثنا…ومنها اﻷعياد واﻹحتفاﻻت والمناسبات السورية اللي كانت تبدأ مع بداية فصل الربيع ..بداية السنة السورية (اﻷكيتو) بنيسان (نيسانو =يعني البداية ..اﻷول ..اﻷساس) وهو أول شهور السنة حسب التقويم السوري..ﻷن الربيع هو بداية الفصول وبداية دورة الحياة (الحياة هي الطبيعة) وبترتبط بالخصب والحصاد ونثر البذار يعني الزراعة بكل مراحلها..رح عدلكن اﻷعياد :أعياد الخصب ..أعياد الربيع :
_عيد ﻷم السورية الكبرى عشتار ب 21 آذار
_ عيد( اﻷكيتو ) راس السنة السورية ب 4 نيسان عالتقويم الشرقي
_ عيد الحب (مار صابان) ب 11 نيسان
_عيد دقنا نيسان : فيه بتجمع الصبايا ب1 نيسان باقات ورد وأعشاب وبيعلقوها بسقف البيت تعبير عن الفرح بقدوم نيسان وتجدد الحياة وانتعاش الطبيعة
_ عيد أدونيس (تموز ) ..موت أدونيس اله الخصب يعني عيد الحصاد
_عيد (اﻷنشوتريا) عيد الزهور يقام تكريم ﻷدونيس
_ عيد القمر (يرحبول ..سين..يرح..نانا) يقام كل اسبوع أو كل شهر بيحتفلو بظهور اﻹله القمر رمز الخصب
_ عيد اﻹخصاب (الثيزموفوريا)
_عيد احياء الغريزة (حيا كينتيا) بعث الطبيعة
_ عيد ملقارت
_ عيد رشف اله النار
_ عيد أشمون اله الطب والشفاء
_ عيد شمش أوتو اله النور (الشمس)
_عيد فتح طاقات (بوابات) السماء
_عيد حرق اﻵثام والخطايا :كانوا يكتبوا خطاياهم على ألواح الطين ويحرقوها ويرموها بالبحر أو يدفنوها بالحقول أمام الجميع دليل عالتوبة
_ مهرجان الحمام (باني (مهرجان) يونا(حمام) بالسرياني)
_عيد دق الطبول وهو عيد تطهيري لطرد اﻷرواح الشريرة كانوا يحتفلوا فيه بعد النصر عاﻷعداء بالحروب
_ عيد عروس الصعود (كالو اد سو ﻻقا): و فيه بيطلعوا اﻷطفال وبيزوروا كل البيوت وبياخدوا( هدايا) حلويات مصنوعة من القمح والخبز وبيضلوا يدوروا عالبيوت للمسا وبيتجمعوا بساحة المدينة أو القرية مع اﻷهالي وبياكلوأ مع بعض آكﻻت شعبية مخصصة لهالمناسبة
_ عيد اﻷغنية سيرينا (السيرينات = المغنيات اللي بيسحروا الناس بأصواتن)
_عيد السقاية ورش الماء ( اسمه : لو سرديل) : وتقليد هالعيد بيقوم الناس برش الماء على بعض وبالشوارع وهو بيدل عالطهارة وغسل الخطايا
_عيد اليعل مع أول هطول للمطر
_عيد أنقيتو تريا (إراقة ورش الخمر) (كلكن رح تحبوا هالعيد)..نوقوي =أنقيتو=رش ..نقى وقدس..تريا =خمر..نبيد..وتقليد هالعيد انو تراق الخمر تﻻت أيام بالشوارع..وهو تكريم لﻹله تموز دموزي ادونيس وهو بيرمز لسقوط المطر من السما لﻷرض وبينهي حالة الجفاف…
_عيد زاكموك أو (القوزلية).بأول نشرين( نشريتو) اكتوبر .وهو عيد بذر بذور الشعير والقمح..وحصاد الزيتون والتمر..
_عيدميﻻد النور أو عيد الشمس ب 25 كانون (اﻹنقﻻب الشتوي) وليلة 25 أطول ليلة و أكترها ظلمة وفيها بتسترد الشمس مكانتها وبيولد النور وهو أقدس اﻷعياد والمقدسات عند السوريين وطريقتهم للتقرب من اﻵلهة بافامة اﻹحتفال والفرح بوﻻدة النور..وصار هو عيد ميلاد السيد المسيح..
_عيد القرابين والندور:فيه بيتمنوا أمنياتهم وبيحطوا بطبق من القش شقفة خبز وورود وبيشعلوا شعلة نار شمعة وبيحطوا الطبق الصغير بنهر الفرات ودجلة والعاصي وبيتركوه يسبح عاوش المي وبيبين النهر مليان بالنجوم عم تسبح فيه
_عيد شجرة عشتار المقدسة (الصنوبر)
_أعياد الطقس والمناخ : الخمسانات السبعة بتبدا بآخر خميس من شهر آذار وبتنتهي بأول خميس من شهر أيار بتوصف تغيرات الطقس بالربيع وهي :
_خميس القطاط_خميس المجنونة_خميس الورد_خميس اﻷسرار_خميس المشايخ (البيض)_خميس الحﻻوة (اﻷموات)_خميس الصنايع (العمل)
أعياد المواسم الزراعية مع كل موسم منغنيلو (خير السنة ورزق جديد واللي معنا عمرو يزيد..).متل.القمح والقطن..الخ
وهاﻷعياد بنرافقها عادات وتقاليد وطقوس جميلة من موسيقا وغناء ورقص وعروض مسرحية بتجسد اساطير الخلق والصراع والخصب والحياة وعﻻقة اﻷرض يالسماء…
وكمان لسه في أعياد كنيرة ضلت موجودة لحد هﻷ وبعدنا منحتفل فيها وكلنا منعرفها بس ما منعرف انو أصلها موجود بتاريخنا السوري القديم..فعلى مدار السنة وكل شهر في عيد سوري قديم ..بيحتفل بالخير واليركة الموجودة باﻷرض والطييعة …وان شاءت اﻵلهة ياسوريين كل ساعة وكل يوم وكل شهر وكل سنة بتكون أيامكن أعياد وأفراح مليانة حب و خير وبركة وجمال ..
وحييتوا ..وتحيا سوريا…